बीड : प्रतिनिधी 

राष्ट्रवादीचे कार्यकर्ते आणि महादेव मुंडे खून प्रकरणात वाल्मिक कराडसह त्याच्या टोळीवर अनेक आरोप केल्याने चर्चेत आलेले विजयसिंह उर्फ बाळा बांगर यांच्यासह त्यांच्या कुटुंबियांविरोधात बीडच्या शिवाजीनगर पोलिस ठाण्यात छळाचा गुन्हा नोंद करण्यात आला आहे. गर्भपातासाठी दबाव आणला,५० लाख रुपये व अलीकान चारचाकी वाहनाची मागणी करत त्यांनी छळ केल्याची तक्रार पत्नीने दिली आहे.

बाळा बांगर यांच्या पत्नी मयूरी बांगर यांनी याबाबत बीडच्या शिवाजीनगर पोलिस ठाण्यात तक्रार दिली. त्यांच्या तक्रारीनुसार, २०१९ पासून बाळा बांगर व त्यांच्या कुटुंबियांकडून मयूरी यांचा छळ करण्यात आला.त्यांना माहेरहून ५० लाख रुपये घेऊन येण्यास सांगितले गेले.एका अलीशान चारचाकी वाहनाची मागणी केली.विशेष म्हणजे,मयूरी या गर्भवती असताना त्यांना गर्भपात कर म्हणून दबावही टाकला गेला.त्यानंतर त्या माहेरी बीड येथे आल्या.सध्या त्या बीडमध्येच वास्तव्यास आहेत. या प्रकरणी पोलिसांत विजयसिंह उर्फ बाळा बांगर, सासरे रामकृष्ण बांगर,सासू सत्यभामा बांगर, दीर विकास बांगर (सर्व रा.पाटोदा) नणंद प्रगती अंबरवाडीकर, नणंद जागृती सारुक,नंदावा दीपक सारुक (रा.मुंबई) यांच्या विरोधात गुन्हा नोंद केला.

• कोण आहेत बाळा बांगर

बाळा बांगर हे पाटोदा येथील सहकार महर्षी म्हणून ओळख असलेले ज्येष्ठ नेते रामकृष्ण बांगर यांचे चिरंजीव आहेत.ते राष्ट्रवादी काँग्रेसच्या युवक आघाडीचे जिल्हाध्यक्ष होते.वाल्मिक कराड यांच्यावर विविध प्रकारचे आरोप केल्याने बाळा बांगर चर्चेत आले होते.

• कौटुंबिक वाद विकोपाला

बाळा बांगर व पत्नी मयूरी यांच्यात अनेक वर्षांपासून वाद आहे.मात्र आता हा वाद चव्हाट्यावर आला असून थेट प्रकरण पोलिसांपर्यंत गेले आहे.

The post बाळा बांगरसह कुटुंबीयांवर छळाचा गुन्हा केला दाखल appeared first on MAHANETA NEWS.

केज : प्रतिनिधी

डॉक्टरची सेवा हीच ईश्वर सेवा आहे या उक्तीचा प्रत्यय नुकताच केजमध्ये आला.उपजिल्हा रुग्णालय केज येथील वैद्यकीय अधीक्षक तथा प्रसिद्ध शल्य चिकित्सक डॉ.दत्तात्रय केंद्रे यांनी महिलेच्या डोक्यातील क्लिष्ट गाठ यशस्वी शस्त्रक्रिया करून काढून त्यांना जीवनदान दिले.या यशस्वी उपचारामुळे शासकीय रुग्णालया वरील सर्वसामान्यांचा विश्वास पुन्हा एकदा अधोरेखित झाला आहे.

नेमकी घटना काय ?
सौ.मिराताई किशोरराव कुलकर्णी या गेल्या काही दिवसांपासून डोक्यातील गाठीच्या त्रासाने त्रस्त होत्या.खासगी रुग्णालयातील उपचारांचा खर्च आणि गुंतागुंत लक्षात घेता, त्यांनी उपजिल्हा रुग्णालय केज येथे धाव घेतली.या ठिकाणी डॉ. दत्तात्रय केंद्रे यांनी रुग्णाची तपासणी करून तातडीने शस्त्रक्रिया करण्याचा निर्णय घेतला.

डॉक्टरांचे कौशल्य आणि कर्मचाऱ्यांची तत्परता

डॉ.केंद्रे यांच्या मार्गदर्शना खाली अत्यंत कौशल्याने ही शस्त्रक्रिया पार पडली. शस्त्रक्रियेनंतर मिराताई यांची प्रकृती आता उत्तम आहे.केवळ शस्त्रक्रियाच नव्हे,तर त्यानंतरच्या काळात डॉ. केंद्रे आणि त्यांच्या सहकारी कर्मचारी वर्गाने केलेली आस्थेवाईक विचारपूस आणि सुश्रुषा रुग्णासाठी मानसिक आधार देणारी ठरली. रुग्णालयातील कर्मचारी वर्गाच्या या सेवाभावी वृत्तीचे सर्वत्र कौतुक होत आहे.

रुग्णसेवेचा आदर्श

शासकीय रुग्णालयातही खासगी रुग्णालयापेक्षा उत्तम दर्जाची सेवा आणि आपुलकी मिळू शकते,हे डॉ.केंद्रे आणि त्यांच्या टीमने सिद्ध करून दाखवले आहे.”रुग्णाला बरे करणे हे आमचे कर्तव्यच आहे,पण जेव्हा रुग्ण आनंदाने घरी जातो,तेव्हा आमच्या कष्टाचे चीज होते,”अशी भावना यावेळी डॉक्टरांनी व्यक्त केली.

“डॉ.दत्तात्रय केंद्रे आणि त्यांच्या संपूर्ण टीमने माझी अत्यंत प्रेमाने काळजी घेतली. शासकीय रुग्णालयात इतकी आपुलकीची वागणूक मिळेल असे वाटले नव्हते. माझ्यासाठी ही सेवा खऱ्या अर्थाने ईश्वर सेवाच आहे.”

सौ.मिराताई किशोरराव कुलकर्णी (रुग्ण)

The post केज उपजिल्हा रुग्णालयात अवघड शस्त्रक्रिया यशस्वी ; मिराताई कुलकर्णी यांच्या डोक्यातील गाठ काढली appeared first on MAHANETA NEWS.

शिवसेनेच्या उपनेत्या संगीता ठोंबरे यांच्या पती विजयप्रकाश ठोंबरे वर 420 चा गुन्ह

“सत्य परेशान हो सकता है,लेकीन पराजित नही ”–अनिल तुरूकमारे

तात्कालीन सहाय्यक समाज कल्याण आयुक्त रवींद्र शिंदे वरही लवकरच होणार कार्यवाही?

केज : प्रतिनिधी

लोकनेते गोपीनाथरावजी मुंडे मागासवर्गीय सहकारी सूत गिरणी प्रकरणात मोठी कारवाई करत केज पोलीस ठाण्यात शिवसेनेच्या उपनेत्या व माजी आमदार संगीता ठोंबरे यांचे पती विजयप्रकाश ठोंबरे व तत्कालीन लिपिक राजकुमार वाव्हळे यांच्याविरुद्ध फसवणुकीचा (IPC 420) व (IPC 34) प्रमाणे गुन्हा दाखल करण्यात आला आहे.या प्रकरणामुळे जिल्ह्यात मोठी खळबळ उडाली आहे.

याबाबत सामाजिक कार्यकर्ते अनिल तुरूकमारे (रा. बीड) यांनी तक्रार दिली असून, त्यांच्या मुलासह 464 विद्यार्थ्यांची जात वैधता प्रमाणपत्रे माहिती अधिकारातून मिळवून, त्यांच्या परवानगीशिवाय परस्पर सूत गिरणीच्या सभासद यादीत नावे दाखवण्यात आल्याचा गंभीर आरोप करण्यात आला आहे.
तक्रारीनुसार, सन 2017 ते 2020 या कालावधीत तब्बल 464 अर्जदारांची जात वैधता प्रमाणपत्रे मिळवून त्यांचा गैरवापर करण्यात आला. सूत गिरणीच्या रेकॉर्डवर संबंधितांना परस्पर सभासद दाखवून ती यादी प्रादेशिक उपआयुक्त, वस्त्रोद्योग कार्यालयाकडून प्रमाणित करून घेतल्याचे समोर आले आहे.

ही बाब लक्षात आल्यानंतर तक्रारदारांनी संबंधित कार्यालयाकडे धाव घेतली. त्यानंतर सूत गिरणी प्रशासनाने संबंधित यादी रद्द केल्याचेही समजते. मात्र, यामागील संगनमत व फसवणुकीचा प्रकार उघड झाल्याने अखेर गुन्हा दाखल करण्यात आला.अनिल तुरूकमारे यांनी प्रतिक्रिया देताना सांगितले की, “सत्य परेशान हो सकता है, पण कधीही पराजित होत नाही. या प्रकरणातील सर्व दोषींवर कठोर कारवाई झालीच पाहिजे.”दरम्यान, या प्रकरणात तत्कालीन सहाय्यक समाज कल्यान आयुक्त बीड रवींद्र शिंदे व इतरांवरही लवकरच कारवाई होण्याची शक्यता वर्तवली जात आहे. केज पोलिसांनी पुढील तपास सुरू केला असून आणखी धक्कादायक बाबी उघड होण्याची शक्यता व्यक्त केली जात आहे.

The post शिवसेनेच्या उपनेत्या संगीता ठोंबरे यांच्या पती विजयप्रकाश ठोंबरे वर 420 चा गुन्हा appeared first on MAHANETA NEWS.

येवता प्रतिनिधी

केज तालुक्यातील जीवाची वाडी येथील आरोग्य उप केंद्र दि.०६ मार्च-२०२६पासुन कायम बंद असलेने ग्रामस्तानी मा. अधिक्षक प्रा.आ.उप केंद्रविडा यांच्याकडे लेखी तक्रार केली आहे.आरोग्य विभागाच्या वरीष्ठ अधिकाऱ्यांचे अभय !दुर्लक्ष असलेचे दिसुन येत असलेने आजारी रुग्नांचे हाल होत असलेचे दिसुन येत आहेत.रूग्नांना नाहाक आर्थिक खिशाल कात्री लागत आहे.

  सविस्तर असे की जीवाची वाडी येथे युनानी दवाखाना आहे.तेथील कर्मचारी जागा भरल्या नाहीत एक सेवक होते ते बदली करून गेले,त्या जागी दुसरा कर्मचारी आलेच नाहीत.आरोग्य उप केंद्रात चार कर्मचारी आहेत.एमपीडब्लव नियमित आलेले दिसत नाहीत.तिन महिला कर्मचारी आहेत त्यापैकी एकीची गेल्या तिन वर्षा पासुन दुसऱ्या गावात प्रतिनियुक्ती केली आहे,समुदाय आरोग्य अधिकारी,ए एन एम दोन्ही सहा दिवसा पासुन अनु उपस्थित असलेने तालुका वैधकीय अधिकारी यांची पाठराखन!अभय कोणाचे?जीवाची वाडी आरोग्य उप केंद्र कायम बंद असलेने वरीष्ठ काय कारवाही करनारका याकडे ग्रामस्त लक्ष वेधुन आहेत.

आमच्या प्रतिनिधीने भ्रम्हध्वनी विचारना केली

माझे मुल आजारी असलेने, मी तिन दिवस किरकोळ रजा घेतली असुन परत वैधकीय रजा घेतली आहे.

        श्रीम.सुरेखा सानप,ए एन एम,जीवाची वाडी

आमच्या प्रतिनिधीने चौकशी केली असता

शनिवार पर्यंत मी होते, नंतर नाही.

श्रीम.वर्षा गव्हाणे

समुदाय आरोग्य अधिकारी,जीवाची वाडी.              

तिन दिवसा पासुन बंद आहे.

डॉ.रोशनकुमार गायकवाड,वैधकीय अधिकारी,प्राथमिक आरोग्य केंद्र,विडा.

The post जीवाचीवाडी येथील आरोग्य उपकेंद्र आठ दिवसा पासुन बंद कार्यवाहीची स्थानिक नागरिकांची मागणी. appeared first on MAHANETA NEWS.

केकत सारणीतील पाझर तलावात अवैध खादान शेतकऱ्यांच्या पाण्यावर डल्ला, कारवाईची मागणी

केज प्रतिनिधी.

केज तालुक्यातील केकत सारणी येथे शेतकऱ्यांच्या पाण्याच्या गरजा भागबण्यासाठी बांधण्यात आलेल्या पाझर तलावातच अवैधरित्या मोठी खादान खोदून लाखो रुपयांचे उत्खनन केल्याचा धकादायक प्रकार समोर आला आहे. या उत्खननामुळे पाझर तलावाचे मूळ स्वरूपच बिघडले असून शेतकऱ्यांना अपेक्षित असलेला पाण्याचा लाभ मिळत नसल्याची तक्रार परिसरातील शेतकरी करीत आहेत. या प्रकरणात संबंधित व्यक्तीला

या खादान मालकाला कोणाचे संरक्षण आहे असा सवालही आता उपस्थित होत आहे

स्थानिक पातळीवर उपस्थित केला जात आहे. माहितीनुसार, केकत सारणी परिसरातील पाक्षर तलाव हा शेतकन्यांच्या शेतीला पाणीपुरवठा करण्यासाठी आणि भूजल पातळी बाढवण्यासाठी तयार करण्यात आला होता. मात्र गेल्या काही काळात तलावाच्या परिसरातच एका स्थानिक कार्यकत्यनि मोठ्या प्रमाणात उत्खनन करून खाजगी खादान तयार केल्याचे सांगितले जात आहे. या उत्खननातून मोठ्या प्रमाणात माती व खडी काढण्यात

आली असून त्यातून लाखो रुपयांचा फायदा झाल्याची चर्चा गावात सुरू आहे.

या अवैध उत्खननामुळे पाझर तलाबाची रचना बिघडली असून तलावात साठणारे पाणीही कमी झाले आहे. परिणामी, परिसरातील शेतकऱ्यांना पाण्याचा लाभ मिळण्याऐवजी उलट नुकसान सहन करावे लागत असल्याचे शेतकरी सांगत आहेत. शेतकन्यांसाठी तयार करण्यात आलेल्या या जलसाठ्याचा अशा प्रकारे बापर झाल्याने ग्रामस्थांमध्ये नाराजीचे बातावरण निर्माण झाले आहे.

या प्रकरणात सर्वात गंभीर बाब म्हणजे सरकारी जागेमध्येच अवैध पद्धतीने खादान खोदली गेली असूनही संबंधितांबर अद्याप ठोस कारवाई झालेली दिसत नाही. त्यामुळे या उत्खननामागे शासकीय यंत्रणेतील काहींचे दुर्लक्ष किंवा सहकार्य होते का? असा संशयही व्यक्त केला जात आहे.

दरम्यान, केज मतदारसंघाच्या आमदार नमिता मुंदडा या मतदारसंघातील विविध विकासकामांसाठी प्रयत्नशील असल्याचे सर्वत्र बोलले जाते. त्यांनी अनेक विकास प्रकल्प

तालुक्यात आणले असून विविध प्रश्नांवर आवाज उठवला आहे. त्यामुळेच केकत सारणी येथील या प्रकरणातही त्यांनी लक्ष घालून पाझर तलावाचा प्रश्न मार्गी लावाबा, अशी मागणी परिसरातील शेतकरी व नागरिकांकडून केली जात आहे.

शेतकऱ्यांचे म्हणणे आहे की, पाझर तलाव हा आमच्या शेतीसाठी जीवनदायी होता. मात्र आता तलावातच मोठी खादान खोदल्याने तलावाचे अस्तित्वच धोक्यात आले आहे. शेतकन्यांचे पाणी अक्षरशःपळवले गेले आहे. या प्रकरणाची सखोल चौकशी करून दोषींवर कठोर कारवाई कराबी, सध्या गावात आणखी एक चर्चा रंगली आहे. पाझर तलावात खादान खोदणारा तो कार्यकर्ता नेमका कोण? त्याला कोणाचे संरक्षण आहे? आणि त्याचा राजकीय संबंध कोणाशी आहे? असे प्रश्न नागरिक विचारत आहेत. त्यामुळे या प्रकरणातील संपूर्ण सत्य आणि पारदर्शकता लोकांसमोर येणे गरजेचे असल्याची मागणी आता जनता करु लागली आहे.

The post नमिता मुंदडा मतदार संघातील केकत सारणी च्या पाझर तालावाचा विषय अधिवेशनात मांडतील का ? appeared first on MAHANETA NEWS.

जिल्हा कार्यकारणी सदस्य सय्यद राज जागीरदार,सय्यद अलीम,यांची विशेष उपस्थिती

माजलगाव : प्रतिनिधी

दिनांक ८ मार्च २०२६ रोजी अखिल भारतीय डिजिटल संपादक,पत्रकार संघटना (महाराष्ट्र राज्य ) या राज्यव्यापी संघटनेची बैठक शहराच्या संभाजी महाराज चौकातील हॉटेल सुखसागर येथे संपन्न झाली.संघटनेचे संस्थापक अध्यक्ष राजा माने साहेब ( मुबंई ) यांच्या आदेशाने व प्रदेशाध्यक्ष शेख इकबाल साहेब यांच्या संमतीने ही बैठक घेण्यात आली.

या वेळी जिल्हा कार्यकारणी सदस्य लोकशाही तंत्रचे संपादक सय्यद राज जागीरदार, महावार्ता न्यूजचे संपादक सय्यद अलीम यांची प्रमुख उपस्थितीत ही बैठक संपन्न झाली.त्यात सर्वांनुमते माजलगाव तालुका अध्यक्षपदी वास्तविक महाराष्ट्र न्यूजचे संपादक तथा दैनिक संघर्षनेता चे तालुका प्रतिनिधी आनंत घडसिंगे यांची निवड करण्यात आली.तालुका उपाध्यक्षपदी दै. महाराष्ट्र प्रतिमाचे तालुका प्रतिनिधी सिद्धेश्वर गायकवाड तर तालुका सचिव पदी दै.सायं. सरकारचे तालुका प्रतिनिधी शेख मुजफ्फर यांची निवड करण्यात आली.व पुढील तालुका कार्यकारणी निवडण्यात आली यात तालुका कोषाध्यक्ष फेरोज पठाण,सदस्यपदी मच्छिंद्र उफाडे,अजिंक्य वाघमारे,सुनील थोरात,आकाश लोखंडे पत्रकार व संपादक यांच्यावरील विविध प्रश्न संदर्भात विस्तृत अशी चर्चा करण्यात आली.

या संघटनेच्या माध्यमातून सर्व सदस्यांचे विमा काढले जाणार आहेत.संघटनेच्या माध्यमातून समाजाच्या विविध घटकावर किंवा एखाद्या दैनिकांच्या प्रतिनिधीवर कुठलाही अन्याय आत्याचार होऊ नये,जसे की या आगोदर आशा काही घटना घडलेल्या आहेत की, वार्तांकनासाठी गेलेल्या काही पत्रकारावरच या आगोदर खोटे गुन्हे दाखल करण्यात आलेले आहेत व पत्रकारांच्या लेखणीने सर्वसामान्य लोकांचे प्रश्न कशा प्रकारे सोडवण्यात येतील आपल्या लेखणीच्या माध्यमातून सर्वसामान्य लोकांना ( शोषित, वंचित, पीडित, दुर्बल ) घटकातील लोकांना कसा न्याय देता येईल उद्देशाने या बैठकीत चर्चा करण्यात आली. या नूतन पदाधिकाऱ्यांना पत्रकार सुरक्षा समितीचे जिल्हाध्यक्ष वाजेद पठाण एकता पत्रकार संघाचे तालुकाध्यक्ष ज्योतीराम पांढरपोटे, दै.जननेताचे कार्यकारी संपादक शेख महेबूब ( सनी ), महानेता न्यूजचे मुख संपादक श्रीराम तांदळे, लोक विश्वासचे संपादक अक्षय गिते सह लोकवार्ताचे संपादक वाजेद शेख यांनी पुढील कार्यासाठी शुभेच्छा दिल्या.व आनंत घडसिंगे यांची माजलगाव तालुकाध्यक्ष पदी निवड झाल्याबद्दल सर्वत्र त्यांचे अभिनंदन होत आहे.

The post अखिल भारतीय डिजिटल संपादक,पत्रकार संघटनेची कार्यकारणी जाहीर तालुकाध्यक्ष घडसिंगे त appeared first on MAHANETA NEWS.

​राज्यमंत्री माधुरी मिसाळ यांची विधानसभेत घोषणा; गरज भासल्यास ‘एसआयटी’ चौकशीचेही दिले संकेत

​  केज प्रतिनिधी  

बीड जिल्ह्यातील केज नगरपंचायतीमध्ये प्रधानमंत्री आवास योजनेच्या निधीत झालेल्या ३.६२ कोटी रुपयांच्या कथित गैरव्यवहार प्रकरणी राज्य सरकारने कठोर पवित्रा घेतला आहे. या प्रकरणाची सखोल चौकशी करून दोषी अधिकारी , ठेकेदार आणि कर्मचाऱ्यांवर फौजदारी गुन्हे दाखल करण्यात येतील, तसेच अपहार केलेली रक्कम व्याजासह वसूल केली जाईल, अशी ग्वाही नगरविकास राज्यमंत्री माधुरी मिसाळ यांनी विधानसभेत दिली.

​आमदार नमिता अक्षय मुंदडा यांनी यासंदर्भात लक्षवेधी सूचना मांडली होती. त्यावर उत्तर देताना मिसाळ यांनी ही माहिती दिली.

​नेमके प्रकरण काय?

​केज नगरपंचायतीत प्रधानमंत्री आवास योजनेअंतर्गत (शहरी) ३७४ लाभार्थ्यांना मंजुरी देण्यात आली होती. यासाठी:

​केंद्र सरकारचा निधी: २ कोटी २४ लाख ४० हजार रुपये

​राज्य सरकारचा निधी: ३ कोटी ६२ लाख रुपये

​एकूण प्राप्त निधी: ५ कोटी ८६ लाख ४० हजार रुपये

​नियमानुसार हा निधी राष्ट्रीयीकृत बँकेत जमा करणे बंधनकारक असताना, तो महाराष्ट्र ग्रामीण बँकेत जमा करण्यात आला. यापैकी ११६ लाभार्थ्यांना १ कोटी ६७ लाख ७५ हजार रुपये वितरित झाले, मात्र उर्वरित ४ कोटी २८ लाख २५ हजार रुपयांचा लाभार्थ्यांना पत्ताच नाही. हा निधी इतरत्र वळवण्यात आल्याचे प्राथमिक तपासात समोर आले आहे.

​आर्थिक गुन्हे शाखेकडून तपास; ‘एसआयटी’चाही विचार

​राज्यमंत्री मिसाळ यांनी सांगितले की, या व्यवहाराशी संबंधित कोणतेही लेखे (Accounts), व्हाउचर्स किंवा स्पष्ट बँक स्टेटमेंट उपलब्ध नाहीत, ही गंभीर बाब आहे.

​विभागीय चौकशी: या प्रकरणाची विभागीय चौकशी सुरू करण्यात आली आहे.

​EOW तपास: आर्थिक गुन्हे शाखेच्या (Economic Offences Wing) माध्यमातूनही याचा तपास केला जाईल.

​SIT ची शक्यता: प्रकरणाचे गांभीर्य लक्षात घेता, गरज भासल्यास विशेष तपास पथक (SIT) नेमण्याचा विचार सरकार करेल.

​”गरिबांच्या घरांसाठी असलेल्या पैशांवर डल्ला मारणाऱ्यांना सोडले जाणार नाही. जिल्हाधिकाऱ्यांनी समिती गठीत केली असून येत्या आठ दिवसात अहवाल येताच कडक कारवाई केली जाईल.”

— माधुरी मिसाळ, नगरविकास राज्यमंत्री

​या चर्चेत आमदार सुधीर मुनगंटीवार आणि हरिष पिंपळे यांनीही सहभाग घेऊन प्रशासकीय अनागोंदीवर ताशेरे ओढले.

​

The post केज नगरपंचायत ‘घरकुल’ निधीत ३.६२ कोटींचा झोल; दोषींवर फौजदारी कारवाईसह व्याजासह वसुली होणार! appeared first on MAHANETA NEWS.

​केज : प्रतिनिधी

केज़ तालुक्यातील साळेगाव येथील जिल्हा परिषद शाळेच्या सांस्कृतिक कार्यक्रमात मद्यधुंद अवस्थेत उपस्थित राहून राजकीय भाषण करणाऱ्या शिक्षण विस्तार अधिकाऱ्याविरोधात वंचित बहुजन युवा आघाडीने आक्रमक पवित्रा घेतला आहे.

या बेजबाबदार अधिकाऱ्यावर तातडीने निलंबनाची कारवाई करावी,अशी मागणी संघटनेच्या वतीने मुख्य कार्यकारी अधिकाऱ्यांकडे (CEO) करण्यात आली आहे.
​नेमका प्रकार काय ? दि.२१ फेब्रुवारी २०२६ रोजी साळेगाव येथील जिल्हा परिषद प्राथमिक शाळेत वार्षिक स्नेहसंमेलन आणि सांस्कृतिक कार्यक्रमाचे आयोजन करण्यात आले होते.या कार्यक्रमाला प्रमुख पाहुणे म्हणून पंचायत समिती केजचे शिक्षण विस्तार अधिकारी श्री. चाटे दत्तात्रय मुरलीधर उपस्थित होते.मात्र, कार्यक्रमाच्या वेळी श्री.चाटे हे पूर्णपणे मद्यधुंद (नशेत) अवस्थेत होते.असा आरोप तक्रारदारांनी केला आहे.​विद्यार्थ्यांसमोर अयोग्य वर्तन शाळेत मोठ्या संख्येने विद्यार्थी,पालक आणि ग्रामस्थ उपस्थित असताना,या अधिकाऱ्याने शैक्षणिक विषयावर बोलण्याऐवजी अयोग्य स्वरूपाचे राजकीय भाषण केले.एका जबाबदार पदावर असलेल्या व्यक्तीने,विशेषतः शिक्षण क्षेत्रातील अधिकाऱ्याने लहान मुलांसमोर अशा प्रकारचे वर्तन केल्याने सर्वत्र संताप व्यक्त केला जात आहे.यामुळे शाळेच्या शिस्तीचा आणि प्रतिष्ठेचा भंग झाल्याचे बोलले जात आहे.​वंचित बहुजन युवा आघाडीची तक्रार या गंभीर प्रकाराची दखल घेत वंचित बहुजन युवा आघाडीचे जिल्हा सचिव (बीड पूर्व) लक्ष्मण शिवाजी ओव्हाळ यांनी जिल्हा परिषद प्रशासनाकडे लेखी तक्रार दाखल केली आहे.

​”मी स्वतः त्या कार्यक्रमाचा प्रत्यक्षदर्शी साक्षीदार असून, संबंधित अधिकाऱ्याच्या वर्तनामुळे विद्यार्थ्यांवर चुकीचे संस्कार होण्याची शक्यता निर्माण झाली आहे.अशा अधिकाऱ्याची सखोल चौकशी करून त्यांना तात्काळ निलंबित करण्यात यावे,” अशी मागणी ओव्हाळ यांनी केली आहे.​या तक्रारीची प्रत प्राथमिक शिक्षणाधिकारी, जिल्हा परिषद बीड यांनाही देण्यात आली आहे.आता प्रशासन यावर काय कारवाई करते, याकडे केज तालुक्यातील जनतेचे लक्ष लागले आहे.

The post साळेगाव जिल्हा परिषद शाळेत शिक्षकांचा पत्ताच नाही ? appeared first on MAHANETA NEWS.

सरपंचाची बोगस सही करणारा तो व्यक्ती कोण..?

केज : प्रतिनिधी

केज तालुक्यातील दहिफळ (वड.) ग्रामपंचायतीमध्ये एक धक्कादायक प्रकार समोर आला आहे.सरपंचांची बनावट (खोटी) सही करून निविदा (टेंडर) प्रक्रिया राबवण्यात आल्याची गंभीर तक्रार दहिफळ (वड) च्या सरपंच सौ.अनिता शशिकांत गदळे यांनी केजचे पोलीस निरीक्षक यांच्याकडे केली आसून सबंधित प्रकाराची चौकशी करूण दोषीवर गुन्हा दाखल करण्याची मागणी केली आहे.या प्रकरणामुळे संपूर्ण तालुक्यात खळबळ उडाली असून प्रशासकीय वर्तुळात चर्चेला उधाण आले आहे.

केज तालुक्यातील ग्रामपंचायत दहिफळ (वड)अंतर्गत जिल्हा परिषद शाळेमध्ये डी.पी.डी.सी निधीतून एक शाळाखोली बांधकाम मंजूर झाले होते.या कामाचा प्रशासकीय आदेश ३१ ऑक्टोबर २०२५ रोजी प्राप्त झाला होता.या कामाची निविदा प्रक्रिया पार पडल्यानंतर कु.प्रिती हरिदास तांबडे (रा. शिरूर घाट) यांनी टेंडर प्रक्रियेस लागणार्या कागदपत्रासाठी सरपंचास कसलिही कल्पना न देता सरपंचाची स्वाक्षरी पूर्णपणे बोगस केली आहे.सदरील टेंडर प्रक्रियेसाठी लागणार्या कागदपत्रांवर आपण सही केली नसल्याचे सरपंच सौ.अनिता शशिकांत गदळे यांनी पोलिस निरीक्षकांना दिलेल्या पत्रात नमूद केले आहे.तसेच त्यांनी तक्रारीत पुढे म्हटले आहे की,प्रशासकीय अधिकार्यांची यामध्ये निव्वळ फसवणूक केली आसून बनावट कागदपत्रांच्या आधारे शासकीय निधीचा गैरवापर करण्यासाठीच हा अट्टाहास असून काही अधिकार्यांच्या संगनमताने सरपंचांच्या अधिकारावर गदा आणण्याचे काम या माध्यमातून केले आहे.सदरील गैरप्रकार कोणी केला,याचा योग्य तो पोलिस तपास करूण सबंधित दोषी व्यक्तींवर गुन्हे दाखल करूण कठोर कारवाई करण्याची मागणी केली आहे.

सदरील तक्रारीची प्रत आ.नमिताताई मुंदडा,जिल्हाधिकारी बीड,मुख्य कार्यकारी अधिकारी जिल्हा परिषद बीड, गटविकास अधिकारी पंचायत समिती केज यांना पाठवण्यात आली आहे.दरम्यान एका बाजूला पारदर्शक कारभाराचा आव आणणारे जिल्हा प्रशासन थेट सरपंचाची बोगस स्वाक्षरी करूण बोगसगीरी करणार्यावर काय कारवाई करणार याकडे संपूर्ण बीड जिल्ह्याचे लक्ष लागले आहे.

सदरील प्रकरणात माझ्या परस्पर माझी खोटी सही करणाऱ्या आणि करायला लावणाऱ्या संबंधित व्यक्तींची सखोल चौकशी करूण दोषींवर तात्काळ फौजदारी गुन्हा दाखल करावा.‌

सौ.अनिता शशिकांत गदळे
सरपंच दहिफळ (वड)

The post KAIJ | केज तालुक्यातील दहिफळ ग्रामपंचायतीच्या सरपंचाची बोगस सही मारूण राबवली निविदा प्रक्रिया..! appeared first on MAHANETA NEWS.

 केज प्रतिनिधी.

केज नगरपंचायत अंतर्गत पंतप्रधान आवास योजनेत (PMAY) झालेल्या कोट्यवधींच्या घरकुल घोटाळ्याने जिल्हाभरात खळबळ उडाली आहे. जिल्हाधिकारी विवेक जॉन्सन यांनी नेमलेल्या चौकशी समितीला बँकेकडून महत्त्वाचे पुरावे हाती लागले असून, यामध्ये धनादेशावर स्वाक्षऱ्या करणाऱ्या आणि अनुदान लाटणाऱ्या “बड्या माशांची” मोठी यादी समोर आली आहे.

​घोटाळ्याचे स्वरूप: गरिबांच्या हक्काच्या पैशावर डल्ला

​नगरपंचायत प्रशासनाने घरकुल अनुदानाचे तब्बल २ कोटी ६२ लाख रुपये लाभार्थींच्या खात्यात जमा करण्याऐवजी, महाराष्ट्र ग्रामीण बँकेच्या माध्यमातून विविध ट्रेडर्स, फॅब्रिकेटर्स आणि इलेक्ट्रिकल्स अशांना १५८ धनादेशांद्वारे सुमारे ६० जणांना वाटले आहेत.

​नियमबाह्य उधळण: घरकुल अनुदान इतर कामांसाठी वापरणे हाच मुळात मोठा गुन्हा आहे.

​कागदपत्रांचा अभाव: ज्यांच्या नावे धनादेश काढले गेले, त्यांनी कोणते काम केले? त्यांचे वर्क ऑर्डर (कार्यारंभ आदेश) किंवा देयके (Bills) कोठे आहेत? याचे कोणतेही रेकॉर्ड केज नगरपंचायतीकडे उपलब्ध नाही.

​पुरावे नष्ट करण्याचा प्रयत्न: प्रकरणाशी संबंधित अनेक महत्त्वाच्या संचिका (Files) केज नगरपंचायत मधून गायब करण्यात आल्या असून, हा पुरावे नष्ट करण्याचा जाणीवपूर्वक प्रयत्न असल्याचे बोलले जात आहे.

​तपास समितीच्या हाती ‘बँक स्टेटमेंट’चा मोठा पुरावा

​अंबाजोगाईचे उपजिल्हाधिकारी दीपक वंजाळे यांच्या नेतृत्वाखालील समितीने तपासाचा चक्रावून टाकणारा अहवाल तयार केला आहे.

​समितीला १५८ पैकी बहुतांश धनादेशांची माहिती मिळाली आहे.

यातील ​उर्वरित १८ धनादेश इतर बँक शाखांतून वटवण्यात आल्याने त्यांची माहिती पुढील दोन दिवसांत मिळणार आहे.

​यामध्ये प्रशासनातील बडे अधिकारी, कर्मचारी आणि काही ‘अर्थमूव्हर्स’ची साखळी असल्याचे सूत्रांचे म्हणणे आहे.

​आमदार नमिता मुंदडा आक्रमक: “फौजदारी गुन्हे दाखल करा!”

​या प्रकरणाची गांभीर्याने दखल घेत आमदार नमिता मुंदडा यांनी मुख्यमंत्री, उपमुख्यमंत्री आणि विभागीय आयुक्तांना लेखी पत्र धाडले आहे. त्यांच्या प्रमुख मागण्या खालीलप्रमाणे आहेत:

​तात्काळ कारवाई: घोटाळ्यातील दोषी अधिकारी, कर्मचारी आणि पुढाऱ्यांवर तात्काळ फौजदारी गुन्हे दाखल करावेत.

​रक्कम वसुली: गैरव्यवहार झालेली संपूर्ण रक्कम वसूल करून २०१८-१९ मधील पात्र लाभार्थ्यांना परत मिळावी.

​व्याजासह भरपाई: गरिबांच्या हक्काचे २.५ ते ३ लाख रुपये त्यांना व्याजासह देण्यात यावेत.

​”ज्यांनी गरिबांच्या घराचे स्वप्न चोरले आहे, त्यांना सोडले जाणार नाही. संचिका गायब करणे हा गुन्हा लपवण्याचा प्रकार आहे, परंतु बँकिंग व्यवहार खोटे बोलत नाहीत.”

— आ. नमिता मुंदडा

​आता सर्वांच्या नजरा जिल्हाधिकाऱ्यांच्या निर्णयाकडे

​चौकशी समितीचा पूर्ण अहवाल सादर झाल्यानंतर या प्रकरणातील ‘बडे मासे’ गळाला लागण्याची शक्यता आहे. प्रशासकीय अधिकारी आणि कंत्राटदारांचे धाबे दणाणले असून, केजच्या राजकारणात आणि प्रशासनात मोठी खळबळ उडाली आहे.

​

The post केज नगरपंचायत भ्रष्टाचाराने हादरली! २.६२ कोटींचा ‘घरकुल’ घोटाळा: बड्या माशांची नावे उघड होणार ? appeared first on MAHANETA NEWS.