बीड : प्रतिनिधी 

राष्ट्रवादीचे कार्यकर्ते आणि महादेव मुंडे खून प्रकरणात वाल्मिक कराडसह त्याच्या टोळीवर अनेक आरोप केल्याने चर्चेत आलेले विजयसिंह उर्फ बाळा बांगर यांच्यासह त्यांच्या कुटुंबियांविरोधात बीडच्या शिवाजीनगर पोलिस ठाण्यात छळाचा गुन्हा नोंद करण्यात आला आहे. गर्भपातासाठी दबाव आणला,५० लाख रुपये व अलीकान चारचाकी वाहनाची मागणी करत त्यांनी छळ केल्याची तक्रार पत्नीने दिली आहे.

बाळा बांगर यांच्या पत्नी मयूरी बांगर यांनी याबाबत बीडच्या शिवाजीनगर पोलिस ठाण्यात तक्रार दिली. त्यांच्या तक्रारीनुसार, २०१९ पासून बाळा बांगर व त्यांच्या कुटुंबियांकडून मयूरी यांचा छळ करण्यात आला.त्यांना माहेरहून ५० लाख रुपये घेऊन येण्यास सांगितले गेले.एका अलीशान चारचाकी वाहनाची मागणी केली.विशेष म्हणजे,मयूरी या गर्भवती असताना त्यांना गर्भपात कर म्हणून दबावही टाकला गेला.त्यानंतर त्या माहेरी बीड येथे आल्या.सध्या त्या बीडमध्येच वास्तव्यास आहेत. या प्रकरणी पोलिसांत विजयसिंह उर्फ बाळा बांगर, सासरे रामकृष्ण बांगर,सासू सत्यभामा बांगर, दीर विकास बांगर (सर्व रा.पाटोदा) नणंद प्रगती अंबरवाडीकर, नणंद जागृती सारुक,नंदावा दीपक सारुक (रा.मुंबई) यांच्या विरोधात गुन्हा नोंद केला.

• कोण आहेत बाळा बांगर

बाळा बांगर हे पाटोदा येथील सहकार महर्षी म्हणून ओळख असलेले ज्येष्ठ नेते रामकृष्ण बांगर यांचे चिरंजीव आहेत.ते राष्ट्रवादी काँग्रेसच्या युवक आघाडीचे जिल्हाध्यक्ष होते.वाल्मिक कराड यांच्यावर विविध प्रकारचे आरोप केल्याने बाळा बांगर चर्चेत आले होते.

• कौटुंबिक वाद विकोपाला

बाळा बांगर व पत्नी मयूरी यांच्यात अनेक वर्षांपासून वाद आहे.मात्र आता हा वाद चव्हाट्यावर आला असून थेट प्रकरण पोलिसांपर्यंत गेले आहे.

महानेता NEWS

मुख्य संपादक :-श्रीराम तांदळे

mahanetanews.co.in/

The post बाळा बांगरसह कुटुंबीयांवर छळाचा गुन्हा केला दाखल appeared first on MAHANETA NEWS.

शिवसेनेच्या उपनेत्या संगीता ठोंबरे यांच्या पती विजयप्रकाश ठोंबरे वर 420 चा गुन्ह

“सत्य परेशान हो सकता है,लेकीन पराजित नही ”–अनिल तुरूकमारे

तात्कालीन सहाय्यक समाज कल्याण आयुक्त रवींद्र शिंदे वरही लवकरच होणार कार्यवाही?

केज : प्रतिनिधी

लोकनेते गोपीनाथरावजी मुंडे मागासवर्गीय सहकारी सूत गिरणी प्रकरणात मोठी कारवाई करत केज पोलीस ठाण्यात शिवसेनेच्या उपनेत्या व माजी आमदार संगीता ठोंबरे यांचे पती विजयप्रकाश ठोंबरे व तत्कालीन लिपिक राजकुमार वाव्हळे यांच्याविरुद्ध फसवणुकीचा (IPC 420) व (IPC 34) प्रमाणे गुन्हा दाखल करण्यात आला आहे.या प्रकरणामुळे जिल्ह्यात मोठी खळबळ उडाली आहे.

याबाबत सामाजिक कार्यकर्ते अनिल तुरूकमारे (रा. बीड) यांनी तक्रार दिली असून, त्यांच्या मुलासह 464 विद्यार्थ्यांची जात वैधता प्रमाणपत्रे माहिती अधिकारातून मिळवून, त्यांच्या परवानगीशिवाय परस्पर सूत गिरणीच्या सभासद यादीत नावे दाखवण्यात आल्याचा गंभीर आरोप करण्यात आला आहे.
तक्रारीनुसार, सन 2017 ते 2020 या कालावधीत तब्बल 464 अर्जदारांची जात वैधता प्रमाणपत्रे मिळवून त्यांचा गैरवापर करण्यात आला. सूत गिरणीच्या रेकॉर्डवर संबंधितांना परस्पर सभासद दाखवून ती यादी प्रादेशिक उपआयुक्त, वस्त्रोद्योग कार्यालयाकडून प्रमाणित करून घेतल्याचे समोर आले आहे.

ही बाब लक्षात आल्यानंतर तक्रारदारांनी संबंधित कार्यालयाकडे धाव घेतली. त्यानंतर सूत गिरणी प्रशासनाने संबंधित यादी रद्द केल्याचेही समजते. मात्र, यामागील संगनमत व फसवणुकीचा प्रकार उघड झाल्याने अखेर गुन्हा दाखल करण्यात आला.अनिल तुरूकमारे यांनी प्रतिक्रिया देताना सांगितले की, “सत्य परेशान हो सकता है, पण कधीही पराजित होत नाही. या प्रकरणातील सर्व दोषींवर कठोर कारवाई झालीच पाहिजे.”दरम्यान, या प्रकरणात तत्कालीन सहाय्यक समाज कल्यान आयुक्त बीड रवींद्र शिंदे व इतरांवरही लवकरच कारवाई होण्याची शक्यता वर्तवली जात आहे. केज पोलिसांनी पुढील तपास सुरू केला असून आणखी धक्कादायक बाबी उघड होण्याची शक्यता व्यक्त केली जात आहे.

महानेता NEWS

मुख्य संपादक :-श्रीराम तांदळे

mahanetanews.co.in/

The post शिवसेनेच्या उपनेत्या संगीता ठोंबरे यांच्या पती विजयप्रकाश ठोंबरे वर 420 चा गुन्हा appeared first on MAHANETA NEWS.

जिल्हा कार्यकारणी सदस्य सय्यद राज जागीरदार,सय्यद अलीम,यांची विशेष उपस्थिती

माजलगाव : प्रतिनिधी

दिनांक ८ मार्च २०२६ रोजी अखिल भारतीय डिजिटल संपादक,पत्रकार संघटना (महाराष्ट्र राज्य ) या राज्यव्यापी संघटनेची बैठक शहराच्या संभाजी महाराज चौकातील हॉटेल सुखसागर येथे संपन्न झाली.संघटनेचे संस्थापक अध्यक्ष राजा माने साहेब ( मुबंई ) यांच्या आदेशाने व प्रदेशाध्यक्ष शेख इकबाल साहेब यांच्या संमतीने ही बैठक घेण्यात आली.

या वेळी जिल्हा कार्यकारणी सदस्य लोकशाही तंत्रचे संपादक सय्यद राज जागीरदार, महावार्ता न्यूजचे संपादक सय्यद अलीम यांची प्रमुख उपस्थितीत ही बैठक संपन्न झाली.त्यात सर्वांनुमते माजलगाव तालुका अध्यक्षपदी वास्तविक महाराष्ट्र न्यूजचे संपादक तथा दैनिक संघर्षनेता चे तालुका प्रतिनिधी आनंत घडसिंगे यांची निवड करण्यात आली.तालुका उपाध्यक्षपदी दै. महाराष्ट्र प्रतिमाचे तालुका प्रतिनिधी सिद्धेश्वर गायकवाड तर तालुका सचिव पदी दै.सायं. सरकारचे तालुका प्रतिनिधी शेख मुजफ्फर यांची निवड करण्यात आली.व पुढील तालुका कार्यकारणी निवडण्यात आली यात तालुका कोषाध्यक्ष फेरोज पठाण,सदस्यपदी मच्छिंद्र उफाडे,अजिंक्य वाघमारे,सुनील थोरात,आकाश लोखंडे पत्रकार व संपादक यांच्यावरील विविध प्रश्न संदर्भात विस्तृत अशी चर्चा करण्यात आली.

या संघटनेच्या माध्यमातून सर्व सदस्यांचे विमा काढले जाणार आहेत.संघटनेच्या माध्यमातून समाजाच्या विविध घटकावर किंवा एखाद्या दैनिकांच्या प्रतिनिधीवर कुठलाही अन्याय आत्याचार होऊ नये,जसे की या आगोदर आशा काही घटना घडलेल्या आहेत की, वार्तांकनासाठी गेलेल्या काही पत्रकारावरच या आगोदर खोटे गुन्हे दाखल करण्यात आलेले आहेत व पत्रकारांच्या लेखणीने सर्वसामान्य लोकांचे प्रश्न कशा प्रकारे सोडवण्यात येतील आपल्या लेखणीच्या माध्यमातून सर्वसामान्य लोकांना ( शोषित, वंचित, पीडित, दुर्बल ) घटकातील लोकांना कसा न्याय देता येईल उद्देशाने या बैठकीत चर्चा करण्यात आली. या नूतन पदाधिकाऱ्यांना पत्रकार सुरक्षा समितीचे जिल्हाध्यक्ष वाजेद पठाण एकता पत्रकार संघाचे तालुकाध्यक्ष ज्योतीराम पांढरपोटे, दै.जननेताचे कार्यकारी संपादक शेख महेबूब ( सनी ), महानेता न्यूजचे मुख संपादक श्रीराम तांदळे, लोक विश्वासचे संपादक अक्षय गिते सह लोकवार्ताचे संपादक वाजेद शेख यांनी पुढील कार्यासाठी शुभेच्छा दिल्या.व आनंत घडसिंगे यांची माजलगाव तालुकाध्यक्ष पदी निवड झाल्याबद्दल सर्वत्र त्यांचे अभिनंदन होत आहे.

महानेता NEWS

मुख्य संपादक :-श्रीराम तांदळे

mahanetanews.co.in/

The post अखिल भारतीय डिजिटल संपादक,पत्रकार संघटनेची कार्यकारणी जाहीर तालुकाध्यक्ष घडसिंगे त appeared first on MAHANETA NEWS.

​केज : प्रतिनिधी

केज़ तालुक्यातील साळेगाव येथील जिल्हा परिषद शाळेच्या सांस्कृतिक कार्यक्रमात मद्यधुंद अवस्थेत उपस्थित राहून राजकीय भाषण करणाऱ्या शिक्षण विस्तार अधिकाऱ्याविरोधात वंचित बहुजन युवा आघाडीने आक्रमक पवित्रा घेतला आहे.

या बेजबाबदार अधिकाऱ्यावर तातडीने निलंबनाची कारवाई करावी,अशी मागणी संघटनेच्या वतीने मुख्य कार्यकारी अधिकाऱ्यांकडे (CEO) करण्यात आली आहे.
​नेमका प्रकार काय ? दि.२१ फेब्रुवारी २०२६ रोजी साळेगाव येथील जिल्हा परिषद प्राथमिक शाळेत वार्षिक स्नेहसंमेलन आणि सांस्कृतिक कार्यक्रमाचे आयोजन करण्यात आले होते.या कार्यक्रमाला प्रमुख पाहुणे म्हणून पंचायत समिती केजचे शिक्षण विस्तार अधिकारी श्री. चाटे दत्तात्रय मुरलीधर उपस्थित होते.मात्र, कार्यक्रमाच्या वेळी श्री.चाटे हे पूर्णपणे मद्यधुंद (नशेत) अवस्थेत होते.असा आरोप तक्रारदारांनी केला आहे.​विद्यार्थ्यांसमोर अयोग्य वर्तन शाळेत मोठ्या संख्येने विद्यार्थी,पालक आणि ग्रामस्थ उपस्थित असताना,या अधिकाऱ्याने शैक्षणिक विषयावर बोलण्याऐवजी अयोग्य स्वरूपाचे राजकीय भाषण केले.एका जबाबदार पदावर असलेल्या व्यक्तीने,विशेषतः शिक्षण क्षेत्रातील अधिकाऱ्याने लहान मुलांसमोर अशा प्रकारचे वर्तन केल्याने सर्वत्र संताप व्यक्त केला जात आहे.यामुळे शाळेच्या शिस्तीचा आणि प्रतिष्ठेचा भंग झाल्याचे बोलले जात आहे.​वंचित बहुजन युवा आघाडीची तक्रार या गंभीर प्रकाराची दखल घेत वंचित बहुजन युवा आघाडीचे जिल्हा सचिव (बीड पूर्व) लक्ष्मण शिवाजी ओव्हाळ यांनी जिल्हा परिषद प्रशासनाकडे लेखी तक्रार दाखल केली आहे.

​”मी स्वतः त्या कार्यक्रमाचा प्रत्यक्षदर्शी साक्षीदार असून, संबंधित अधिकाऱ्याच्या वर्तनामुळे विद्यार्थ्यांवर चुकीचे संस्कार होण्याची शक्यता निर्माण झाली आहे.अशा अधिकाऱ्याची सखोल चौकशी करून त्यांना तात्काळ निलंबित करण्यात यावे,” अशी मागणी ओव्हाळ यांनी केली आहे.​या तक्रारीची प्रत प्राथमिक शिक्षणाधिकारी, जिल्हा परिषद बीड यांनाही देण्यात आली आहे.आता प्रशासन यावर काय कारवाई करते, याकडे केज तालुक्यातील जनतेचे लक्ष लागले आहे.

महानेता NEWS

मुख्य संपादक :-श्रीराम तांदळे

mahanetanews.co.in/

The post साळेगाव जिल्हा परिषद शाळेत शिक्षकांचा पत्ताच नाही ? appeared first on MAHANETA NEWS.

सरपंचाची बोगस सही करणारा तो व्यक्ती कोण..?

केज : प्रतिनिधी

केज तालुक्यातील दहिफळ (वड.) ग्रामपंचायतीमध्ये एक धक्कादायक प्रकार समोर आला आहे.सरपंचांची बनावट (खोटी) सही करून निविदा (टेंडर) प्रक्रिया राबवण्यात आल्याची गंभीर तक्रार दहिफळ (वड) च्या सरपंच सौ.अनिता शशिकांत गदळे यांनी केजचे पोलीस निरीक्षक यांच्याकडे केली आसून सबंधित प्रकाराची चौकशी करूण दोषीवर गुन्हा दाखल करण्याची मागणी केली आहे.या प्रकरणामुळे संपूर्ण तालुक्यात खळबळ उडाली असून प्रशासकीय वर्तुळात चर्चेला उधाण आले आहे.

केज तालुक्यातील ग्रामपंचायत दहिफळ (वड)अंतर्गत जिल्हा परिषद शाळेमध्ये डी.पी.डी.सी निधीतून एक शाळाखोली बांधकाम मंजूर झाले होते.या कामाचा प्रशासकीय आदेश ३१ ऑक्टोबर २०२५ रोजी प्राप्त झाला होता.या कामाची निविदा प्रक्रिया पार पडल्यानंतर कु.प्रिती हरिदास तांबडे (रा. शिरूर घाट) यांनी टेंडर प्रक्रियेस लागणार्या कागदपत्रासाठी सरपंचास कसलिही कल्पना न देता सरपंचाची स्वाक्षरी पूर्णपणे बोगस केली आहे.सदरील टेंडर प्रक्रियेसाठी लागणार्या कागदपत्रांवर आपण सही केली नसल्याचे सरपंच सौ.अनिता शशिकांत गदळे यांनी पोलिस निरीक्षकांना दिलेल्या पत्रात नमूद केले आहे.तसेच त्यांनी तक्रारीत पुढे म्हटले आहे की,प्रशासकीय अधिकार्यांची यामध्ये निव्वळ फसवणूक केली आसून बनावट कागदपत्रांच्या आधारे शासकीय निधीचा गैरवापर करण्यासाठीच हा अट्टाहास असून काही अधिकार्यांच्या संगनमताने सरपंचांच्या अधिकारावर गदा आणण्याचे काम या माध्यमातून केले आहे.सदरील गैरप्रकार कोणी केला,याचा योग्य तो पोलिस तपास करूण सबंधित दोषी व्यक्तींवर गुन्हे दाखल करूण कठोर कारवाई करण्याची मागणी केली आहे.

सदरील तक्रारीची प्रत आ.नमिताताई मुंदडा,जिल्हाधिकारी बीड,मुख्य कार्यकारी अधिकारी जिल्हा परिषद बीड, गटविकास अधिकारी पंचायत समिती केज यांना पाठवण्यात आली आहे.दरम्यान एका बाजूला पारदर्शक कारभाराचा आव आणणारे जिल्हा प्रशासन थेट सरपंचाची बोगस स्वाक्षरी करूण बोगसगीरी करणार्यावर काय कारवाई करणार याकडे संपूर्ण बीड जिल्ह्याचे लक्ष लागले आहे.

सदरील प्रकरणात माझ्या परस्पर माझी खोटी सही करणाऱ्या आणि करायला लावणाऱ्या संबंधित व्यक्तींची सखोल चौकशी करूण दोषींवर तात्काळ फौजदारी गुन्हा दाखल करावा.‌

सौ.अनिता शशिकांत गदळे
सरपंच दहिफळ (वड)

महानेता NEWS

मुख्य संपादक :-श्रीराम तांदळे

mahanetanews.co.in/

The post KAIJ | केज तालुक्यातील दहिफळ ग्रामपंचायतीच्या सरपंचाची बोगस सही मारूण राबवली निविदा प्रक्रिया..! appeared first on MAHANETA NEWS.

​केज / प्रतिनिधी 

नगरपंचायत पुन्हा एकदा भ्रष्टाचाराच्या चिखलात रुतल्याचे धक्कादायक वास्तव समोर आले आहे. गरिबांच्या हक्काच्या घरासाठी असलेल्या पंतप्रधान आवास योजनेवर डल्ला मारताना चक्क एका पत्रकाराच्या नावाचा वापर करून निधी हडपल्याचा गंभीर प्रकार उघडकीस आला आहे. या प्रकरणामुळे नगरपंचायतीचा कारभार ‘भ्रष्टाचाराचे माहेरघर’ असल्याचे पुन्हा एकदा सिद्ध झाले असून, संपूर्ण तालुक्यात संतापाची लाट उसळली आहे.

​काय आहे नेमकं प्रकरण?

​मिळालेल्या माहितीनुसार, पंतप्रधान आवास योजनेअंतर्गत लाभार्थी क्रमांक २२७ म्हणून पत्रकार प्रकाश एकनाथ मुंडे यांच्या नावाला २०१८-२०१९मध्ये मंजुरी मिळाली होती. मात्र, प्रकाश मुंडे यांना या योजनेचा कोणताही लाभ मिळाला नाही किंवा त्यांच्याकडे घराचे बांधकामही झाले नाही. तरीही, तत्कालीन मुख्याधिकारी, संबंधित विभागाचे कर्मचारी आणि काही स्थानिक पुढाऱ्यांनी संगनमत करून प्रकाश मुंडे यांच्या नावावर आलेला शासकीय निधी बेकायदेशीररीत्या २०२१-२०२२ मध्ये उचलला आहे.

​भ्रष्टाचाराची ‘मोडस ऑपरेंडी’

​शासकीय योजनांचा लाभ मिळवून देण्याऐवजी, लाभार्थ्यांच्या नावावर परस्पर रकमा लाटण्याचे मोठे रॅकेट नगरपंचायतीत सक्रिय असल्याचे यावरून स्पष्ट होत आहे. कागदोपत्री प्रक्रिया पूर्ण दाखवून प्रत्यक्ष लाभार्थ्याला अंधारात ठेवले गेले. हा प्रकार केवळ फसवणूक नसून शासनाच्या तिजोरीवर पडलेला दरोडा असल्याची भावना नागरिक व्यक्त करत आहेत.

​दोषींवर फौजदारी कारवाईची मागणी

​या गंभीर प्रकारामुळे केजमधील पत्रकार संघटना आणि नागरिक आक्रमक झाले आहेत. या घोटाळ्याची व्याप्ती मोठी असण्याची शक्यता वर्तवली जात असून, यात आणखी किती जणांचे बळी दिले गेले, असा प्रश्न उपस्थित होत आहे.

​”पत्रकाराच्या नावावर जर असा डल्ला मारला जात असेल, तर सामान्य माणसाची अवस्था काय असेल? या प्रकरणाची सखोल चौकशी करून तत्कालीन मुख्याधिकारी आणि संबंधित कर्मचाऱ्यांवर तात्काळ फौजदारी गुन्हे दाखल व्हावेत.”  स्थानिक नागरिक व पत्रकार संघटना.

​प्रशासनाची भूमिका काय असणार?

​आता या प्रकरणाचा चेंडू प्रशासनाच्या कोर्टात आहे. वरिष्ठ अधिकारी या प्रकरणाची निष्पक्ष चौकशी करून दोषींना जेलची हवा दाखवणार की नेहमीप्रमाणे कागदोपत्री घोडे नाचवून प्रकरण दडपले जाणार, याकडे सर्वांचे लक्ष लागले आहे. जर या आरोपांना ठोस दुजोरा मिळाला, तर अनेक बड्या धेंडांचे धाबे दणाणणार हे निश्चित!

​

महानेता NEWS

मुख्य संपादक :-श्रीराम तांदळे

mahanetanews.co.in/

The post केज नगरपंचायतीत खळबळ पत्रकाराच्या नावे घरकुल निधीवर डल्ला; भ्रष्टाचाराचा ‘कळस’ उघड! appeared first on MAHANETA NEWS.

केज (प्रतिनिधी)

केज विधानसभा मतदारसंघात आगामी राजकीय हालचालींच्या पार्श्वभूमीवर शिवसेनेने शक्तिप्रदर्शनाची जोरदार तयारी सुरू केली असून,मा.आ.प्रा.सौ.संगीता ठोंबरे यांच्या शिवसेना पक्ष प्रवेशानंतर उपमुख्यमंत्री एकनाथ शिंदे यांनी शिवसेना उपनेते पद दिले त्यानुसार शिवसेनेचा संगठन मजबूत करण्यासाठी केज विधानसभा मेळावा शुक्रवार दि.१३ फेब्रुवारी रोजी सकाळी ११ वाजता केज येथील मुक्ताई मंगल कार्यालयात आयोजित करण्यात आला आहे.

शिवसेनेच्या उपनेत्या व मा.आ.प्रा.संगीता ठोंबरे आणि शिवसेना जिल्हाप्रमुख सचिन मुळूक,अनिल दादा जगताप,स्वप्निल गलधर यांच्या नेतृत्वाखाली मेळावा यशस्वी करण्यासाठी नियोजन सुरू आहे.प्रा.संगीता ठोंबरे उपनेत्या शिवसेना यांच्या नेतृत्वाखाली केज विधानसभा मतदारसंघातील प्रत्येक गावात शिवसेनेची शाखा आणि शिवसेनेचा धनुष्यबाण प्रत्येक मतदारापर्यंत पोहोचवण्यासाठी शिवसैनिकांची धडपड चालू आहे मागील अनेक वर्षापासून शिवसैनिक केज विधानसभा मतदारसंघात शिवसेनेचा भगवा फडकवावा यासाठी प्रयत्नशील असतात मा. आ.संगीता ठोंबरे यांच्या शिवसेना पक्ष प्रवेशामुळे शिवसेनेला नक्कीच चांगले दिवस येतील तसेच शिवसेनेला खंबीर नेतृत्व लाभले आहे.केज विधानसभा मतदारसंघातील जिल्हा परिषद पंचायत समिती तसेच जिल्हाभरातील जिल्हा परिषद व पंचायत समितीचे निवडणुका डोळ्यासमोर ठेवून दि.13 फेब्रुवारी रोजी सामाजिक न्याय मंत्री संजय शिरसाट यांच्या प्रमुख मार्गदर्शनाखाली तसेच शिवसेना जिल्हाप्रमुख सचिन मुळूक,अनिल दादा जगताप,स्वप्निल गलदर,केज विधानसभा प्रमुख दादासाहेब ससाने शिवसेना केज तालुका प्रमुख अण्णासाहेब पाटील,युवासेना तालुकाप्रमुख दत्तकुमार काकडे यांच्या उपस्थितीत शिवसैनिकांचा महामेळाव्याचे आयोजन करण्यात आले आहे.

याप्रसंगी मतदारसंघातील तसेच जिल्ह्यातील अनेकांचे प्रवेश देखील होणार आहेत हा कार्यक्रम मुक्ताई मंगल कार्यालय जय भवानी चौक केज या ठिकाणी होणार असून सर्व शिवसैनिकांनी उपस्थित रहावे असे आवाहन शिवसेनेच्या उपनेत्या प्रा.सौ.संगीताताई ठोंबरे यांनी केले आहे.संघटनात्मक बांधणी,कार्यकर्त्यांमध्ये नवचैतन्य आणि आगामी जिल्हा परिषद पंचायत समिती निवडणुकांच्या पार्श्वभूमीवर पक्षाची स्पष्ट भूमिका मांडण्यासाठी हा मेळावा महत्त्वाचा मानला जात आहे.या मेळाव्यास सामाजिक न्याय मंत्री संजय शिरसाट आणि संपर्कप्रमुख मनोज शिंदे उपस्थित राहून शिवसैनिकांना मार्गदर्शन करणार आहेत.केज विधानसभा मतदारसंघात शिवसेनेची ताकद पुन्हा एकदा एकत्र आणण्यासाठी माजी आमदार प्रा.सौ.संगीताताई ठोंबरे व शिवसेना जिल्हाप्रमुख सचिन भैया मुळुक,अनिल दादा जगताप यांनी आखलेली ही रणनिती आगामी राजकारणाच्या दृष्टीने निर्णायक ठरणार आहे.मेळाव्यास केज विधानसभा मतदारसंघातील सर्व शिवसेना पदाधिकारी,आजी माझी पदाधिकारी व कार्यकर्त्यांनी मोठ्या संख्येने उपस्थित राहून पक्षाची ताकद दाखवावी,असे आवाहन उपनेत्या व माजी आ.प्रा.संगीताताई ठोंबरे यांनी केले आहे.

महानेता NEWS

मुख्य संपादक :-श्रीराम तांदळे

mahanetanews.co.in/

The post 13 फेब्रुवारीला केजमध्ये शिवसेनेचा विधानसभा मतदारसंघातील कार्यकर्ता संवाद मेळावा व पक्ष प्रवेश सोहळा appeared first on MAHANETA NEWS.

केज (प्रतिनिधी)

केज तालुक्यातील सोनीजवळा-बोबडेवाडी पांदण रस्त्याचे काम महाराष्ट्र ग्रामीण रोजगार हमी योजनेतून मंजूर झाले आहे.भूमिअभिलेख कार्यालयाने या रस्त्याच्या सर्वे नंबर बांधाच्या हद्द खुणा करून दिल्या आहेत.मात्र एका शेतकऱ्याने हे अडविले असून रस्त्याचे काम करण्यासाठी रस्ता अतिक्रमण मुक्त व खुला करून देण्यात यावा,अशी मागणी हुसेन नजीरखाँ पठाण,जितेश विजयकुमार गिरी यांच्यासह नागरिकांनी तहसीलदारांकडे केली आहे.

सोनीजवळा-बोबडेवाडी हा पांदण रस्ता नकाशावर असून या रस्त्यावर सोनीजवळा येथील अनेक शेतकऱ्यांच्या जमिनी आहेत. त्यामुळे शेतकऱ्यांना ये जा करण्यासाठी हा रस्ता महत्वाचा असून या रस्त्याच्या कामासाठी पाठपुरावा करून महाराष्ट्र ग्रामीण रोजगार हमी योजनेतून मंजूर झाले आहे.तर ९ जानेवारी रोजी भुमी अभिलेख कार्यालयाने वसीम हमीदखाँ पटेल यांच्या मोजणी अर्जावरुन या रस्त्याची सर्वे नंबर बांधाची हद्द,खुणा पोल गाडून करुन दिलेल्या आहेत.मात्र लक्ष्मण अंबादास माने यांनी जाणून बुजुन या रस्त्याचे काम अडविले असून ते खोट्या केसेस करण्याची धमकी देत आहेत.या रस्त्याने पूर्वीपासून रहदारी सुरू होती.तर शेतकऱ्यांच्या सोयीसाठी या रस्त्याचे काम करणे आवश्यक आहे.रस्त्याचे काम अडविल्याने बोबडेवाडीकडे व शेळके वस्तीकडे जाणारे शेतकरी अडचणीत सापडले आहेत.याची दखल घेत रस्त्याची प्रत्यक्ष करून रस्त्याचे काम करण्यासाठी रस्ता अतिक्रमण मुक्त व खुला करून द्यावा,अशी मागणी हुसेन नजीरखाँ पठाण,जितेश विजयकुमार गिरी यांच्यासह नागरिकांनी तहसीलदारांकडे लेखी निवेदनाद्वारे केली आहे.

महानेता NEWS

मुख्य संपादक :-श्रीराम तांदळे

mahanetanews.co.in/

The post सोनीजवळा-बोबडेवाडी पांदण रस्त्याचे काम शेतकऱ्याने अडविले ! appeared first on MAHANETA NEWS.

केज : प्रतिनिधी

राष्ट्रीय ते ग्राम पातळीवर भ्रष्टाचाराचा राक्षस आपले मोठे तोंड उघडून शासकिय योजनांचा बट्ट्याघोळ करताना दिसत आहे.ज्यांना जेवढे खायले मिळते ते त्या पध्दतीने ओरबडून खाण्यात पारंगत झालेले दिसतात,भ्रष्टाचार कसा करायचा याचे आधुनिक प्रशिक्षण तर कार्यकत्यांना मिळत असावे असाच संशय व्यक्त केला तर हरकत नाही.ग्रामपंचायत पातळीवर भ्रष्टाचार कश्या प्रकारे केला जावू शकतो याचे आदर्शवत उदाहरण नांदुरघाट ग्रा.पं.मध्ये दिसून आलेले आहे.आणि या प्रशाचाराची चौकशी आता एसआयटीमार्फत होण्याची गरज भासली आहे.

दोन वर्षापूर्वी नांदूरघाट ग्रामपंचातची निवडणूक झाली व या निवडणुकीत सत्ता पलट करण्यात विध्यमान ग्रामपंचायत पॅनल ला यश आले.मात्र सत्ता येताच,फक्त दोन वर्षे उलटली असतानाच ग्रामपंचायतमध्ये करोडो रुपयांचा भ्रष्टाचार झाल्याचे उघड झाले आहे.ग्रामपंचायतचे रोजगार सेवक म्हणून कार्यरत असलेले “शेख सादिक” यांनी तीन ते चार दिवसापूर्वी बीड जिल्हा परिषदेचे मुख्यकार्यकारी अधिकारी यांना तक्रार देण्यात आली होती.व या तक्रारीत त्यांनी असे म्हटले आहे की,२०२४-२०२५ मध्ये रोजगार हमीद्वारे जी कामे झाली आहेत त्या कामात बोगस बिले उबलण्यात आली आहे.

या कामाच्या बाचतीत ग्रामसेवक व रोजगार सेवक यांची दिशाभूल करून बोगस सहा करण्यात आल्या असल्याचे या तक्रारीत म्हटले आहे.या एकूण कामात जवळपास मंजूर कामे ही चार ते पाच कोटीचे आहेत जून ते जुलै २०२५ मध्ये एक कोटी ५४ लाख हे बोगस सह्या करून पैसे उचलले गेले आहेत.असेही या तक्रारीत नमूद करण्यात आले आहे.या तक्रारी नंतर बीड जिल्हा परिषद मुख्यकारी अधिकारी यांनी पाच अधिकार्यांची चौकशी समिती स्थापन करून तात्काळ नांदूरघाटमध्ये झालेल्या सर्व कामाचे भ्रष्टाचारचे ऑडिट करून आव्हाल सादर करण्याचे आदेश दिले.नंतर दि.१६ जानेवारी २०२६ रोजी बी.डी. ओ.नागरगोजे यांच्या नियंत्रणा खाली समिती नांदूरघाटमध्ये दाखल झाली.दिवसभर झालेल्या सर्व कामाचे मोजमाप करण्यात आले.पांदण रस्ते दलीत वस्तीतील रस्ते, गावआतर्गत गावातील सिमेंट रस्ते असे अनेक कामे ही अर्धवट अवस्थेत तर कुठे रस्ता न करताच बिले उचलली आहेत असे प्रथम चित्र दिसत आहे.यात भ्रष्टाचाराचा आकडा अजून चानुरताची दाट शक्यता आहे.

सीसीटीवी खरेदीत ही लाखोंचा भ्रष्टाचार 

नांदूरघाट ग्रामपंचायत गावातील मुख्य रस्ते व चौका चौकात सुरक्षेच्या दृष्टीने कॅमेरे बसविण्यासाठी ही लाखोंचा बिले उचलली आहेत.परंतु सी सी टी वी कॅमेरा कुठे ही बसविण्यात आलेला नाही.या सर्व भ्रष्ट कारभाराबाबत जनतेत संतप्त प्रतिक्रिया येत आहेत.नागरिकांत ग्रामपंचायच्या कारभारावर संभ्रम व रोष निर्माण झाला आहे.

घरकुल वाटपात ही कोटींचा घोटाळा ?

घरकुल वाटपात ही मोठ्या प्रमाणात भ्रष्टाचार झाल्याची शंका या प्रकरणाने उपस्थित झाली आहे.आणि यांची सर्वत्र चर्चा ही नागरिकात होताना दिसत आहे.

या सर्व भ्रष्ट कारभाराचा मास्टर माईंड कोण आहे ते प्रशासनाने एस आय टी चौकशी करून त्यांच्यावर गुन्हे दाखल केले पाहिजेत. ग्रामंचायत बरखास्त केली पाहिजे.अशी मागणी ग्रामस्थ करत आहेत.

नांदूरघाटमध्ये सध्या सगळा भोंगळा कारभार चालू आहे,गेली दोन वर्षांत एक ही ग्रामसभा झालेली नाही व कोणत्याही ग्रामपंचायत सदस्यांना विश्वासात न घेता हे सर्व काळे धंदे चालू आहेत तरी संबंधितावर गुन्हे दाखल झालें पाहिजेत.अशी मागणी ग्रामस्थांच्या वतीने करण्यात आलेली आहे.

महानेता NEWS

मुख्य संपादक :-श्रीराम तांदळे

mahanetanews.co.in/

The post नांदुरघाटच्या ग्रामपंचायतमध्ये ग्रामरोजगारसेवक यांच्या बोगस सह्या मारून केला कोटी रूपयांचा भ्रष्टाचार ! appeared first on MAHANETA NEWS.

कॉंग्रेसल बजेट कार्यालय (सीबीओ) चा अंदाज आहे की सध्याच्या बंद झाल्याने 750,000 कर्मचारी फलगेड दिसू शकतात, जे नुकसान भरपाईत दररोज million 400 दशलक्ष खर्च करतात.

यावेळी स्टेक्स जास्त का आहेत

व्हाइट हाऊस ऑफिस ऑफ मॅनेजमेंट Bud ण्ड बजेट (ओएमबी) च्या मेमोनुसार, सध्याच्या फेडरल फंडिंगची पातळी “आज रात्री 11:59 वाजता कालबाह्य होईल,” अधिकृतपणे सरकारी बंदडा मेमोने एजन्सींना “सुव्यवस्थित शटडाउनसाठी त्यांच्या योजना अंमलात आणण्याचा” इशारा दिला आहे, जरी एफडीए आणि यूएसडीएमधील नासा स्पेस मिशन, इमिग्रेशन अंमलबजावणी आणि काही सार्वजनिक आरोग्य क्रियाकलाप यासारख्या काही कार्ये सुरूच राहतील.“दुर्दैवाने, डेमोक्रॅटच्या वेडे धोरणांच्या मागण्यांमुळे डेमोक्रॅट सिनेटर्स सिनेटमध्ये एचआर 5371 च्या पास रोखत आहेत, ज्यात नवीन खर्चात 1 ट्रिलियन डॉलर्सचा समावेश आहे,” ओएमबी मेमोने म्हटले आहे.लाखो फेडरल कर्मचार्‍यांना फर्लो किंवा पगाराशिवाय काम करणे सामोरे जाते. नॉन -पार्टिशियन कॉंग्रेसल बजेट कार्यालय (सीबीओ) अंदाजे 750,000 फेडरल कामगारांवर परिणाम होईल, एकूण दैनंदिन खर्च अंदाजे million 400 दशलक्ष गमावले. हवाई वाहतूक नियंत्रक, कायदा अंमलबजावणी आणि सामाजिक सुरक्षा ऑपरेशन्स यासारख्या आवश्यक भूमिकेतील कामगार काम करत राहतील, तर पासपोर्ट प्रक्रिया, राष्ट्रीय उद्यान ऑपरेशन्स आणि नियामक तपासणी यासह अनेक सेवा थांबण्याची शक्यता आहे.व्यत्यय असूनही, कॉंग्रेसच्या सदस्यांनी घटनेच्या कलम Inder अंतर्गत संरक्षित पेचेक मिळविणे सुरू ठेवले आहे. “घटनेचे म्हणणे आहे की सदस्यांना पैसे दिले जातील,” हाऊस अ‍ॅडमिनिस्ट्रेशन कमिटीचे अव्वल डेमोक्रॅट रिप. जो मोरेले यांनी पत्रकारांना सांगितले.

admin

mahanetanews.co.in

The post ट्रम्प प्रशासनाचा शेवटचा खंदक प्रयत्न अयशस्वी झाला; यूएस सरकार शटडाउन प्रभावी होते – ते का महत्त्वाचे आहे appeared first on MAHANETA NEWS.